Bangers & Bingo y Maer – Hwyl er Achos Da!
Nos Wener ddiwethaf, roedd Yr Hen Ysgol yn llawn hwyl wrth i'r Maer, y Cynghorydd Tracey Brennan, gynnal ei digwyddiad codi arian, Bangers & Bingo, i gefnogi Marie Curie a DASU Gogledd Cymru.
Fe wnaeth y gwesteion yn y digwyddiad elusennol a werthodd bob tocyn fwynhau cwmni da, noson o fingo, raffl, a selsig mewn bynsen wedi'i gorchuddio â nionod wedi'u caramelio! Roedd yr awyrgylch yn llawen, gyda busnesau hael Abergele yn dangos eu hymroddiad i'r gymuned drwy roi amrywiaeth eang o wobrau ar gyfer “un llinell”, “dwy linell”, “tŷ llawn”, ac amrywiaeth o bethau da eraill ar gyfer y raffl.
Diolch yn fawr iawn i bawb a wnaeth y noson yn gymaint o lwyddiant – o’r gwesteion a ddaeth â chymaint o hwyl, i unigolion pwysig o gynghorau tref Tywyn a Bae Cinmel, y Rhyl, a Phrestatyn, a ddaeth draw i ddangos eu cefnogaeth, ac i bawb a roddodd wobrau, a helpodd y tu ôl i’r llenni, ac a wnaeth y cyfan yn bosibl.
Gyda'i gilydd, cododd y gymuned bron i £800 ar gyfer dwy elusen anhygoel:
- Mae Marie Curie yn darparu gofal, cefnogaeth ac arweiniad arbenigol i bobl sy'n byw gyda salwch terfynol, yn ogystal â’u teuluoedd, gan eu helpu i wneud y gorau o'r amser sydd ganddyn nhw gyda'i gilydd.
- Mae DASU Gogledd Cymru yn cynnig cefnogaeth hanfodol i unigolion a theuluoedd yr effeithir arnynt gan gam-drin domestig, gan gynnwys lloches, eiriolaeth, a gwasanaethau arbenigol i blant a phobl ifanc.
Unwaith eto, mae Abergele wedi profi bod pethau da yn digwydd pan fydd y gymuned yn dod at ei gilydd.
