Annwyl Drigolion Abergele,
Mae Cyngor y Dref wedi gosod ei gyllideb ar gyfer 2026/27, a chytunwyd ar y canlynol ganddo:
Bydd cyfradd treth y Cyngor ar gyfer Band D yn cynyddu o £70.70 yn 2025/26 i £75.67 ar gyfer 2026/27. Cytunwyd ar osod Praesept 2026/27 ar £392,750, cynnydd o £26,291 o'i gymharu â Phraesept 2025/26 o £366,750.
Bydd y Cyngor yn defnyddio £126,346 o'i gronfa wrth gefn i gydbwyso'r gyllideb, gan adael £91,140 yn ei gronfeydd wrth gefn am y flwyddyn. Mae hyn yn is na'r 25% a argymhellir gan Llywodraethu ac Atebolrwydd i Gynghorau Lleol yng Nghymru: Canllaw i Ymarferwyr 2024 a'r Archwilydd Mewnol. Mae'r Cyngor wedi gwneud y penderfyniad hwn er mwyn gallu parhau i ariannu'r canlynol am y flwyddyn:
- Yr Arddangosfa Tân Gwyllt Flynyddol
- Digwyddiad Teuluol yr Haf
- Goleuadau Nadolig y dref
- Noddi'r toiledau ym Mhen-sarn
- Nawdd i sicrhau bod meysydd parcio’r dref yn parhau am ddim
- Cynnal a chadw cysgodfannau bws y dref
- Cynnal a chadw gwahanol blanhigion a gofod agored yn y Mwnt
- Cyllid grant i ysgolion lleol a grwpiau cymunedol
- Cynnal a chadw amrywiol lwybrau troed yn yr ardal
- Ariannu a chynnal a chadw amrywiol oleuadau yn y dref – h.y., promenâd Pen-sarn, tyredau Castell Gwrych, y MUGA a goleuadau'r parc sglefrio ym Mharc Pentre Mawr
- Gorymdaith a gwasanaeth Sul y Cofio
- Cyngerdd Nadolig Flynyddol
- Cylchlythyr Cyngor y Dref
Nid yw'r rhestr hon yn gynhwysfawr, ond mae'n rhoi trosolwg o'r hyn y mae'r Cyngor yn ei ariannu ar hyn o bryd a bydd yn parhau i ymdrechu i wneud cais am gyllid grant i gefnogi ei holl prosiectau.
Os oes gennych unrhyw ymholiadau ynglŷn â'r uchod, mae croeso i chi gysylltu â'r Cyngor yn uniongyrchol ar 01745 833242 neu anfon e-bost at info@abergeletowncouncil.gov.wales
Os oes gennych ddiddordeb yng ngwaith y Cyngor, mae croeso mawr i’r cyhoedd ddod i gyfarfodydd y Cyngor ar yr ail, trydydd a phedwerydd dydd Iau o bob mis. Anfonwch e-bost at y cyfeiriad uchod neu ffoniwch y rhif i gael manylion unrhyw feysydd penodol o ddiddordeb.
Yr eiddoch yn ddiffuant
Mandy Evans
Clerc y Dref a’r Swyddog Cyllid Cyfrifol
