Maer

Mae'r Maer yn cael y flaenoriaeth dros bawb yn y dref. Y Maer yw prif ddinesydd Abergele, yn cynrychioli'r Cyngor, pob grŵp gwleidyddol a phobl Abergele. Mae'r Maer yn 'Swyddog Cysylltiadau Cyhoeddus' i'r dref, a rhaid iddo/iddi fod yn anwleidyddol bob amser yn ystod ei dymor/thymor fel Maer. Yn rhinwedd ei swydd, bydd y Maer yn llywyddu yng nghyfarfodydd y Cyngor, a'i gyfrifoldeb o/ei chyfrifoldeb hi fydd cadw trefn, rheoli ymddygiad trafod, a dilyn y canllawiau a amlinellir yn Rheolau Sefydlog y Cyngor.

Yn ogystal â chadeirio cyfarfodydd y Cyngor yn Siambr y Cyngor bob mis bydd y Maer yn:

• Agor digwyddiadau a gynhelir yn y dref a rhoi croeso dinesig
• Cynnal amrywiol ddigwyddiadau a Derbyniadau Dinesig
• Cefnogi pobl chwaraeon y dref (ymweld â, neu gychwyn digwyddiadau, cyflwyno gwobrau, a.y.y.b.)
• Agor gwahanol ddigwyddiadau (garddwestau ysgolion, busnesau newydd,a.y.y.b.)
• Bod yn bresennol mewn amrywiaeth eang o ddigwyddiadau (Dyddiau Agored, cyflwyniadau ysgolion/colegau, Cyfarfodydd Cyffredinol Blynyddol, Ciniawau, digwyddiadau dinesig yn y gymdogaeth, a.y.y.b.)
• Ymweld â nifer o bobl y dref i ddathlu achlysuron arbennig (e.e. pen-blwyddi 100 oed, a.y.y.b.)

Caiff Dirprwy Faer hefyd ei ethol/hethol. Swydd y Dirprwy Faer yw cyflawni'r uchod yn absenoldeb y Maer.

Ar ôl cael ei ethol/hethol gan ei gyd/chyd-gynghorwyr i'r swydd, fe all Maer newydd ddewis Maeres neu Gymar/Gymhares i fynd gydag ef/hi i weithgareddau a digwyddiadau yn ystod cyfnod ei swydd, a'i gynorthwyo/chynorthwyo i drefnu croesawiadau ac achlysuron codi arian at achosion da.
 

Mae Caplan y Maer, a ddewisir gan y Maer newydd ar ôl ei benodiad ef/ ei phenodiad hi, yn gofalu am anghenion ysbrydol y Maer, gan gynorthwyo a gwasanaethu yng Ngwasanaeth Dinesig y Maer, a hefyd yn aml mewn gwasanaethau eraill yn ystod blwyddyn ei swydd. O dro i dro bydd y Caplan yn mynd gyda'r Maer i weithgareddau pan fydd hynny'n briodol.